'द गुड व्हाइब्ज'मधून नवीन कस्तुरिया आणि मानवी गग्रू पुन्हा करणार तरुणाईची हृदये काबीज
'द गुड व्हाइब्ज'मधून नवीन कस्तुरिया आणि मानवी गग्रू पुन्हा करणार तरुणाईची हृदये काबीज
द गुड व्हाइब्ज ही लग्रों इंडियाद्वारे निर्मित आणि विकसित वेबमालिका
सोनी लिव्ह आणि लग्रों इंडियाच्या यूट्यूब चॅनलवरून ८ ऑगस्टपासून या वेबमालिकेचे थेट प्रसारण
'द गुड व्हाइब्ज' ही मालिका म्हणजे आजच्या युगामध्ये शहरात राहणा-या जोडप्यांच्या रोजच्या जगण्याचे यथार्थ चित्र उभे करणारी एक मनस्वी गोष्ट आहे. हास्यरसाचा तलम पदर असलेले हे कथानक नात्यामधील मैत्री, प्रणय, नातीगोती आणि पालकत्व अशा सगळ्या पैलूंना स्पर्श करते. लक्ष्य (नवीन) आणि जोनिता (मानवी) हे त्यांच्या सामाजिक वर्तुळामध्ये सर्वाधिक चर्चेचा विषय असलेले जोडपे आहे. आता मात्र हे जोडपे अशा एका भावनिक टप्प्यावर उभे आहेत, जिथे त्यांना आपले वैवाहिक नाते पुन्हा तपासून पाहण्याची गरज जाणवते आहे. एकीकडे त्यांच्या लवकरच येऊ घातलेल्या लग्नाचा वाढदिवसाचा सोहळा कसा साजरा करायचा याबद्दलच्या सूचना त्यांच्या पालकांकडून पाठविल्या जात आहेत तर दुस-या बाजूला या सोहळ्यात वेगळे होत असल्याची जाहीर कबुली तर आपल्याकडून दिली जाणार नाही ना याची दोघांच्याही मनात धास्ती आहे.
अवघ्या ६ भागांमध्ये आटोपशीरपणे बसविण्यात आलेली ही गोष्ट सोनी लिव्ह आणि लग्रों इंडियाच्या यूट्यूब चॅनलवर उपलब्ध असणार आहे. ही मालिका ८ ऑगस्ट (बुधवार)पासून सुरू होत असून दर आठवड्याला तिच्या नव्या भागाचे ऑनलाइन प्रसारण केले जाईल.
लग्रों इंडियाच्या मार्केटिंग विभागाचे संचालक श्री. समीर सक्सेना सांगतात, ''पॉवर आणि डेटा अशी रोजचे जगणे विनाखंड जगण्यासाठी अनिवार्य असलेली सामग्री लग्रोंकडून पुरवली जाते. असे विनाखंड आयुष्य जगण्याची संकल्पना ही केवळ बाजारपेठ किंवा उत्पादनापुरतीच मर्यादित नाही तर त्याचा संबंध आमच्या ग्राहकांच्या रोजच्या जगण्याशीही आहे. तुमच्या आयुष्यातील प्रत्येक नात्याकडून तुम्हाला सकारात्मक ऊर्जा मिळते की नाही हे पाहणे अत्यंत गरजेचे असते, जेणेकरून त्यात कोणतेही विघ्न येणार नाही किंवा त्यातून एखादा धक्कादायक अनुभव मिळणार नाही. प्रत्येक व्यक्तीच्या आयुष्यामध्ये अशाप्रकारच्या गुड व्हाईब्ज किती महत्त्वाच्या असतात आणि एखाद्या नात्याची वाटचाल सकारात्मकतेच्या दिशेने होण्यामध्ये त्यांचे महत्त्व किती असते हे दाखविण्याचा प्रयत्न आम्ही या प्रकल्पामधून केला आहे.'' ते पुढे म्हणाले, ''या वेबमालिकेला सुरुवात होत आहे याबद्दल आम्ही अत्यंत आनंदी आणि उत्सुक आहोत. युवा ग्राहकांना ती नक्की आवडेल, अशी आशा आम्हाला वाटते. या मालिकेचा ट्रेलर ३ ऑगस्ट रोजी प्रसारित होणार असून ८ ऑगस्ट रोजी पहिला भाग प्रसारित होणार आहे.''
या मालिकेच्या अनुभवाविषयी बोलताना मानवी गग्रू म्हणाल्या, ''या मालिकेसाठी झालेले चित्रीकरण हा एक अत्यंत आनंददायी अनुभव होता. पूर्वतयारीसाठी काही कार्यशाळा घेण्याइतका वेळ आमच्याजवळ नव्हता, तेव्हा जस-जसे कथानक उलगडेल त्यानुसार त्याच्याशी जुळवून घेत जा इतकेच काय ते आम्हाला सांगण्यात आले होते. नाही म्हटले तरी मुंबईतल्या उकाड्याने थोडा त्रास दिला पण तेवढे सोडले तर एकूण चित्रीकरणाचा अनुभव आल्हाददायक होता. या मालिकेची कहाणी अगदी साधी-सोपी आहे. आपण ज्या जागेमध्ये राहतो, आपल्या भोवतीचा परिसर इत्यादी गोष्टी आपल्या मूड्सवर, आपल्या स्वास्थ्यावर आणि आपल्या नात्यावरही कशाप्रकारे प्रभाव टाकत असतात, यावर या मालिकेमध्ये भाष्य करण्यात आले आहे. ही मालिका कधी एकदा प्रसारित होतेय, असे मला वाटत आहे. ''
अभिनेता नवीन कस्तुरिया यांच्या मते, '' ही गोष्ट माझ्या मनाच्या अगदी जवळची आहे. लक्ष्य हे पात्र वयाच्या विशी किंवा तिशीतल्या कोणत्याही तरुणासारखेच आहे. एक चांगला पती बनण्याची, आपल्या पत्नी आणि मित्रमंडळींची काळजी वाहण्याची उपजत इच्छा त्याच्याठायी आहे. मला वाटते, आपल्या प्रत्येकालाच हे गुण स्वत:शी मिळतेजुळते वाटतील. पण त्याखेरीज गुड व्हाइब्ज ही एकमेकांना साथ देणा-या, चाको-यांना आव्हान देणा-या एका नोकरदार जोडप्याचीही गोष्ट आहे, ज्यांच्या आयुष्यामध्ये सामाजिक नीतिनियमांमुळे उलथापालथ घडून येत आहे. ही मालिका आणि त्यातील पात्रांना प्रेक्षक आवडीने आपलेसे करतील, अशी मला आशा आहे.''
पहा या मालिकेची छोटीशी झलक
ट्रेलर: https://www.youtube.com/watch?time_continue=5&v=bMyKf0b0ZRg
Comments
Post a Comment