गोदरेज एअरोस्पेस’ने ‘पीएसएलव्ही-सी49’चा वापर करून पृथ्वी निरीक्षण उपग्रह ‘इओएस-01’च्या यशस्वी प्रक्षेपणासाठी ‘इस्रो’शी केली भागीदारी
‘गोदरेज एअरोस्पेस’ने ‘पीएसएलव्ही-सी49’चा वापर करून
पृथ्वी निरीक्षण उपग्रह ‘इओएस-01’च्या यशस्वी प्रक्षेपणासाठी ‘इस्रो’शी केली भागीदारी
10 नोव्हेंबर, 2020 : भारतीय अंतराळ संशोधन संस्थेने (इस्रो) 7 नोव्हेंबर रोजी श्रीहरिकोटा येथील सतीश धवन अंतराळ केंद्रामधून 9 आंतरराष्ट्रीय ग्राहकांच्या उपग्रहांसह पृथ्वी निरीक्षण उपग्रह, ‘इओएस-01’चे यशस्वीरित्या प्रक्षेपण केले. या उपग्रहांचे प्रक्षेपण करताना ध्रुवीय उपग्रह प्रक्षेपण वाहन (पीएसएलव्ही-सी49) ‘डीएल कॉन्फिगरेशन’मध्ये वापरण्यात आले. हे ‘पीएसएलव्ही’चे 51 वे उड्डाण होते. विश्वसनीयतेच्या दृष्टीकोनातून ते त्याच्या श्रेणीतील सर्वोत्कृष्ट प्रक्षेपकांपैकी एक असल्याचे सिद्ध झाले.
याप्रसंगी बोलताना ‘गोदरेज एअरोस्पेस’चे कार्यकारी उपाध्यक्ष व व्यवसाय प्रमुख एस. एम. वैद्य म्हणाले, “इओएस-01 या पृथ्वी निरीक्षण उपग्रहाचे प्रक्षेपण ध्रुवीय उपग्रह प्रक्षेपण वाहनातून यशस्वीपणे करण्याच्या मोहिमेत ‘इस्रो’सह आम्ही सहभागी होतो, याचा आम्हाला मोठा अभिमान वाटतो. या उपग्रहाचा उपयोग कृषी, वनीकरण व आपत्ती व्यवस्थापन या कामांमध्ये होणार आहे. या प्रक्षेपणात रॉकेटच्या दुसऱ्या टप्प्यात वापरण्यात आलेल्या विकास इंजिनाच्या उत्पादनात गोदरेज सहभागी होती. हे प्रक्षेपण खूपच खास व असामान्य होते, कारण ‘कोविड-19’चा उद्रेक झाल्यानंतरचे हे पहिलेच प्रक्षेपण होते. वेळेची अंतिम मुदत गाठण्यासाठी आम्हाला अनेक अडचणींवर मात करावी लागली. भारताच्या अंतराळ कार्यक्रमांमध्ये हातभार लावू शकत असल्याबद्दल ‘गोदरेज’मध्ये आम्ही खूपच रोमांचित झालो आहोत आणि ‘इस्रो’च्या भावी मोहिमांमध्ये आमचा सहभाग वाढण्याच्या प्रतीक्षेत आहोत.”
‘पीएसएलव्ही व जीएसएलव्ही रॉकेटसाठी लिक्विड प्रोपल्शन इंजिन’, ‘उपग्रहांसाठी थ्रस्टर’ आणि ‘अॅन्टीना सिस्टम’ यांसारख्या जटिल प्रणालींच्या उत्पादनात गोदरेज एअरोस्पेस कंपनी ‘इस्त्रोब’रोबर गेल्या तीन दशकांहून अधिक काळ सहभागी आहे. ‘गोदरेज एअरोस्पेस’ने प्रतिष्ठित चंद्रयान आणि मंगलयान मोहिमांमध्येही अविभाज्य भूमिका बजावलेली आहे. ‘गोदरेज अँड बॉयस मॅन्यु. कंपनी लि.’ ही भारताच्या अंतराळ मोहिमांमध्ये स्वदेशी उत्पादनात सहभागी होण्यास कटिबद्ध आहे. भारताच्या तांत्रिक पराक्रमाला चालना देण्यासाठी हे महत्वपूर्ण आहे.
‘गोदरेज अँड बॉयस मॅन्यु. कंपनी लि.’विषयी :
गोदरेज अँड बॉयस (‘जी अँड बी’) ही गोदरेज समुहातील कंपनी 1897 मध्ये स्थापन झाली होती. तिने मॅन्युफॅक्चरिंगच्या माध्यमातून भारताच्या स्वावलंबनाच्या प्रवासात मोलाचे योगदान दिले आहे. ‘जी अँड बी’ने जगातील पहिल्या स्प्रिंगविरहीत कुलुपाचे पेटंट मिळवले. तेव्हापासून ती सुरक्षा, फर्निचर, एअरोस्पेस ते इन्फ्रास्ट्रक्चर व संरक्षण अशा विविध क्षेत्रांतील 14 व्यवसायांमध्ये कार्यरत आहे. गोदरेज हा भारताचा सर्वात विश्वासार्ह ब्रांड आहे. दररोज जगभरातील 1.1 अब्ज ग्राहकांना तो सेवा देत आहे.
Comments
Post a Comment