एफएमसीजी, आयटी क्षेत्रात तेजी; सेन्सेक्स ४३७ अंकांनी वधारला

 एफएमसीजी, आयटी क्षेत्रात तेजी; सेन्सेक्स ४३७ अंकांनी वधारला

मुंबई, २३ डिसेंबर २०२०: एफएमसीजी, आयटी आणि पीएसयू बँकांमध्ये लक्षणीय वृद्धी दिसून आल्याने बेंचमार्क निर्देशांकांनी १ टक्क्यांनी वृद्धी दर्शवली. निफ्टी १% किंवा १३४.८० अंकांनी वधारला व १३,५०० च्या पुढे १३,६०१.१० अंकांवर पोहोचला. तर एसअँडपी बीएसई सेन्सेक्स ०.९५% किंवा ४३७.४९ अंकांनी वाढला व ४६,४४४.१८ अंकांवर स्थिरावला.  

एंजल ब्रोकिंग लिमिटेडचे प्रमुख सल्लागार श्री अमर देव सिंह यांनी सांगितले आजच्या व्यापारी सत्रात की डिश टीव्ही (११.११%), आयडिया (१०.५३%), एमफॅसिस (८.५१%), इंडियाबुल्स हौसिंग फायनान्स (९.१७%) आणि वेदांता इंडिया (८.२३%) हे निफ्टीतील टॉप गेनर्स ठरले. तर याउलट पंजाब नॅशनल बँक (४.६४%), आयडीबीआय बँक (२.३७%), क्रॉम्पटन ग्रिव्हज कंझ्युमर इलेक्टिकल्स (१.९१%), पेज इंडस्ट्रीज (१.०५%) आणि अजंता फार्मा (१.३१%) हे निफ्टीतील टॉप लूझर्स ठरले.

सर्व क्षेत्रीय निर्देशांक सकारात्मक स्थितीत स्थिरावले. बीएसई मिडकॅप आणि बीएसई स्मॉलकॅपने अनुक्रमे २.४०% आणि २.६५% ची वृद्धी अनुभवली.

ग्लेनमार्क फार्मास्युटिकल्स लि.: ग्लेनमार्क लिमिटेड फर्मने मेनारिनीसोबत एक्सक्लुझिव लायसनिंग करार केल्यानंतर तिचे स्टॉक्स २.५० टक्क्यांनी वाढले व त्यांनी ४९६.१५ रुपयांवर व्यापार केला. या कराराद्वारे कंपनीच्या नव्या रियालट्रिस या नसल स्प्रे ची ३३ देशांमध्ये व्यापारीकरण करण्यात मदत होईल.

विप्रो लि.: कंपनीने बुधवारी मेट्रो एजी या जर्मन होलसेलरसोबत धोरणात्मक डिजिटल व आयटी पार्टनरशिपची घोषणा केली. त्यानंतर कंपनीचे स्टॉक्स ५.७० टक्क्यांनी वाढले व त्यांनी ३८४.९५ रुपयांवर व्यापार केला. ५ वर्षाच्या कालावधीतील या कराराचे अंदाजे मूल्य ७०० दशलक्ष डॉलर्स एवढे आहे.

दिलीप बिल्डकॉन लि.: दिलीप बिल्डकॉन लि. चे स्टॉक्स ६.०२.% नी वाढले व त्यांनी ३८०.२५ रुपयांवर व्यापार केला. कंपनीला राजस्थानमध्ये १,००१ कोटी रुपये मूल्याच्या इपीसी प्रकल्पाला मंजूरीचे पत्र मिळाल्यानंतर हे परिणाम दिसून आले.

लार्सन अँड टर्बो लिमिटेड: कंपनीला पाणी व कचरा प्रक्रियेसाठी जल जीवन मिशनचा एक भाग म्हणून २५०० व ५००० कोटी रुपयांदरम्यान किंमतीची ऑर्डर मिळाली. त्यानंतर कंपनीचे स्टॉक्स ०.३४ टक्क्यांनी वाढले व त्यांनी १,२६६ रुपयांवर व्यापार केला.

डब्ल्यूपीआयएल लि.: मध्यप्रदेश जल निगमकडून दोन प्रकल्पांकरिता कंपनीला पत्र मिळाल्यानंतर डब्ल्यूपीआयएल लि. कंपनीचे स्टॉक्स २०.००% नी वाढले व त्यांनी ५९७.६० रुपयांवर व्यापार केला. या प्रकल्पाचे करारातील मूल्य ८५१.३१ कोटी रुपये एवढे आले.

भारतीय रुपया: सकारात्मक देशांतर्गत इक्विटी बाजार सत्रामुळे भारतीय रुपयाने अमेरिकी डॉलरच्या तुलनेत ७३.८९ रुपयांचे मूल्य कमावले.

जागतिक बाजार: कोरोना विषाणूच्या नव्या चिंतेने तसेच कोव्हिड-१९ विधेयकावर स्वाक्षरी न होण्याची भीती असूनही जागतिक बाजार उच्चांकी स्थितीत बंद झाला. एफटीएसई एमआयबीचे शेअर्स ०.५१%, निक्केई २२५ चे शेअर्स ०.३३%, हँगसेंगचे शेअर्स ०.८६% नी वाढले तर एफटीएसई १०० चे शेअर्स ०.१९ टक्क्यांनी घसरले.