क्रिझॅक लिमिटेडचा प्रारंभिक सार्वजनिक ऑफर बुधवार, २ जुलै २०२५ रोजी उघडणार

 

क्रिझॅक लिमिटेडचा प्रारंभिक सार्वजनिक ऑफर बुधवार, २ जुलै २०२५ रोजी उघडणार

किंमतपट्टा रु. २३३/- ते रु. २४५/- प्रति इक्विटी शेअर असा निश्चित

 

क्रिझॅक लिमिटेडने त्यांच्या पहिल्या प्रारंभिक सार्वजनिक ऑफरसाठी प्रत्येकी रु. २ दर्शनी मूल्याच्या इक्विटी शेअरसाठी रु. २३३/- ते रु. २४५/- असा किंमतपट्टा निश्चित केला आहे. कंपनीची प्रारंभिक सार्वजनिक ऑफर (आयपीओ किंवा ऑफर) बुधवार, २ जुलै २०२५ रोजी सबस्क्रिप्शनसाठी उघडेल आणि शुक्रवार, ४ जुलै २०२५ रोजी बंद होईल. गुंतवणूकदार किमान ६१ इक्विटी शेअर्ससाठी आणि त्यानंतर ६१ इक्विटी शेअर्सच्या पटीत बोली लावू शकतात. हा आयपीओ पूर्णपणे पिंकी अग्रवाल आणि मनीष अग्रवाल यांनी अनुक्रमे ७२३ कोटी आणि १३७ कोटी रुपयांपर्यंतच्या इक्विटी शेअर्सपर्यंत विक्रीसाठी ऑफर आहे.

क्रिझॅक लिमिटेड हे एजंट्स आणि जागतिक उच्च शिक्षण संस्थांसाठी एक ‘बी टू बी’ शिक्षण व्यासपीठ आहे जे युनायटेड किंग्डम, कॅनडा, रिपब्लिक ऑफ आयर्लंड, ऑस्ट्रेलिया आणि न्यूझीलंड (ANZ) मधील जागतिक उच्च शिक्षण संस्थांना आंतरराष्ट्रीय विद्यार्थ्यांची उपलब्धता मिळवून देते. गेल्या तीन आर्थिक वर्षात, त्यांनी युनायटेड किंग्डम, रिपब्लिक ऑफ आयर्लंड, कॅनडा आणि यूएसए मधील १७३ हून अधिक जागतिक उच्च शिक्षण संस्थांसोबत काम करताना ७.११ लाखांहून अधिक विद्यार्थ्यांच्या अर्जांवर प्रक्रिया केली आहे. त्यांचे भारतात २,२३७ सक्रिय एजंट आहेत आणि युनायटेड किंग्डम, नायजेरिया, पाकिस्तान, बांगलादेश, नेपाळ, श्रीलंका, कॅमेरून, घाना, केनिया, व्हिएतनाम, कॅनडा आणि इजिप्तसह ३९ हून अधिक देशांमध्ये सुमारे १,७११ सक्रिय एजंट आहेत.

क्रिझॅकने ज्या काही जागतिक उच्च शिक्षण संस्थांसोबत काम केले आहे त्यात बर्मिंगहॅम विद्यापीठ, सरे विद्यापीठ, सुंदरलँड विद्यापीठ, नॉटिंगहॅम ट्रेंट विद्यापीठ, ग्रीनविच विद्यापीठ, वेस्ट लंडन विद्यापीठ, पोर्ट्समाउथ विद्यापीठ, डी मॉन्टफोर्ट विद्यापीठ, ग्लासगो कॅलेडोनियन विद्यापीठ, अ‍ॅस्टन विद्यापीठ, डंडी विद्यापीठ, डंडल्क इन्स्टिट्यूट ऑफ टेक्नॉलॉजी, कोव्हेंट्री विद्यापीठ आणि स्वानसी विद्यापीठ यांचा समावेश आहे.

क्रिझॅक भारत स्थित आहे आणि लंडन, युनायटेड किंग्डम येथे सह-प्राथमिक ऑपरेशन्स करत आहे. याशिवाय, कॅमेरून, चीन, घाना आणि केनियासह अनेक देशांमध्ये त्यांचे सल्लागार आहेत. ३१ मार्च २०२५ पर्यंत, त्यांच्याकडे ३६८ कर्मचारी आणि १२ सल्लागारांची टीम होती. विद्यापीठांकडून कमिशन वाढल्यामुळे त्यांच्या शिक्षण सल्लागार सेवांमधून मिळणाऱ्या महसुलात वाढ झाल्यामुळे, क्रिझॅकचे ऑपरेशन्समधून मिळणारे उत्पन्न आर्थिक वर्ष २०२४ मधील ६३४.८७ कोटी रुपयांवरून आर्थिक वर्ष २०२५ मध्ये ३३.८१ टक्के वाढून ८४९.४९ कोटी रुपयांवर पोहोचले. करपश्चात नफा आर्थिक वर्ष २०२४ मधील ११८.९० कोटी रु.वरून आर्थिक वर्ष २०२५ मध्ये २८.६२ टक्के वाढून १५२.९३ कोटी रु. झाला. इक्विरस कॅपिटल प्रायव्हेट लिमिटेड आणि आनंद राठी अॅडव्हायझर्स लिमिटेड हे बुक-रनिंग लीड मॅनेजर आहेत आणि एमयूएफजी इनटाइम इंडिया प्रायव्हेट लिमिटेड हे इश्यूचे रजिस्ट्रार आहेत.

ही ऑफर बुक-बिल्डिंग प्रक्रियेद्वारे केली जात आहे, ज्यामध्ये निव्वळ ऑफरच्या ५० टक्क्यांपेक्षा जास्त भाग पात्र संस्थात्मक खरेदीदारांना प्रमाणानुसार वाटपासाठी उपलब्ध नसेल, ऑफरच्या १५ टक्क्यांपेक्षा कमी भाग बिगर-संस्थात्मक गुंतवणूकदारांना वाटपासाठी उपलब्ध असेल आणि ऑफरच्या ३५ टक्क्यांपेक्षा कमी भाग किरकोळ वैयक्तिक बोलीदारांना वाटपासाठी उपलब्ध असेल.