बाणगंगा पेपर इंडस्ट्रीजने सीएमजे ब्रेवरीजचे केले ​​​​अधिग्रहण

 बाणगंगा पेपर इंडस्ट्रीजने सीएमजे ब्रेवरीजचे केले ​​​​अधिग्रहण 

नाशिक :  बाणगंगा पेपर इंडस्ट्रीज लि. (बीपीआयएल) च्या संचालक मंडळाने एक धाडसी धोरणात्मक निर्णय घेत १७ डिसेंबर, २०२५ रोजी झालेल्या बैठकीत सीएमजे ब्रेवरीज प्रायव्हेट लि.(सीएमजेबीपीएल) मधील ७८.९० टक्के इक्विटी हिस्सा अधिग्रहित करण्यास मान्यता दिली. यामध्ये प्रत्येकी १० रुपये दर्शनी मूल्याचे १०,९५,२२,०६७ इक्विटी शेअर्सचा समावेश आहे. यामुळे बीपीआयएलच्या अधिकृत भाग भांडवलात वाढ होईल.

दोन्ही कंपन्यांमध्ये झालेला करार बीपीआयएलच्या ईशान्य भारतातील भरभराटीच्या बिअर बाजारपेठेत वर्चस्व गाजवण्याची संधी देतो. भागधारक आणि स्टॉक एक्सचेंजच्या मंजुरीच्या अधीन राहून, हा व्यवहार दोन महिन्यांत पूर्ण होण्याची अपेक्षा आहे.

मेघालयाच्या नयनरम्य परिसरात मुख्यालय असलेली सीएमजे ब्रेवरीज ही ईशान्य भारतातील सर्वात मोठी बिअर उत्पादक कंपनी आहे, जी प्रीमियम बिअर उत्पादनासाठी ओळखली जाते. तिची अत्याधुनिक, उच्च-क्षमतेची उत्पादन सुविधा, जी अचूक जर्मन आणि युरोपियन यंत्रसामग्रीद्वारे चालविली जाते. अतुलनीय अशा प्रकारची कार्यक्षमता आणि गुणवत्ता कंपनी प्रदान करते, ज्यामुळे प्रादेशिक वाढ आणि नाविन्याला चालना मिळते.

एक प्रमुख करार-उत्पादक (कॉन्ट्रॅक्ट मॅन्युफॅक्चरर) म्हणून, सीएमजे युनायटेड ब्रेवरीज (किंगफिशर), कार्ल्सबर्ग इंडिया (ट्युबॉर्ग), मोहन मेकिन (एशिया ७२), युक्सोम ब्रेवरीज (ही-मॅन ९०००), आणि सोना बेवरेजेस (सिम्बा) सारख्या मोठ्या कंपन्यांसोबत भागीदारी करते, ज्यामुळे भारतातील वेगाने वाढणाऱ्या मद्य क्षेत्रात उच्चस्तरीय उत्पादन, गुणवत्ता आणि नियमांचे पालन सुनिश्चित होते.

भारतीय बिअरच्या बाजारपेठेत २०२४ मध्ये ४८३.१० अब्ज रुपयांची उलाढाल झाली आणि ती ९.९० टक्केच्या वार्षिक चक्रवाढ दराने (सीएजीआर) वाढून २०३४ पर्यंत १,२४१.६९ अब्ज रुपयांपर्यंत पोहोचण्याचा अंदाज आहे.

एक्सचेंजच्या घोषणेनुसार रोनक जैन आणि त्यांचे सहयोगी बीपीआयएलच्या १०० टक्के सार्वजनिक शेअर्ससाठी खुली ऑफर देतील. दरम्यान, कंपनीच्या संचालक मंडळाने आवश्यक मंजुरींच्या अधीन राहून बीपीआयएलचे नाव बदलून  'अॅसगार्ड अल्कोबेव्ह लि.' असे करण्याचा प्रस्ताव दिला आहे, जेणेकरून कंपनीच्या नवीन दिशेचे प्रतिबिंब दिसेल. कंपनीने चार्टर्ड अकाउंटंट्स मेसर्स. बाटलीबोई अँड पुरोहित यांची संयुक्त वैधानिक लेखापरीक्षक म्हणून नियुक्ती करण्यात आली आहे.