लीप इंडिया लिमिटेडचा आयपीओ शुक्रवार, ७ ऑगस्ट २०२६ रोजी खुला

 लीप इंडिया लिमिटेडचा प्रारंभिक सार्वजनिक ऑफर (आयपीओ) शुक्रवार, ७ ऑगस्ट २०२६ रोजी उघडणार; किंमत श्रेणी प्रति समभाग रु. १५१ ते रु. १५९ निश्चित

लिप इंडिया लिमिटेडने आपल्या एक रुपया अंकित मूल्याच्या समभागांच्या प्रारंभिक सार्वजनिक ऑफरसाठी प्रति समभाग रु. १५१ ते रु. १५९ या किंमत श्रेणीची निश्चिती केली आहे. या निर्गमात कंपनीचे समभाग शुक्रवार, ७ ऑगस्ट २०२६ रोजी खरेदीसाठी उपलब्ध होतील आणि मंगळवार, ११ ऑगस्ट २०२६ रोजी बंद होतील. गुंतवणूकदारांना किमान ९४ समभाग आणि त्यानंतर ९४ समभागांच्या पटीत बोली लावता येईल.

आयपीओपूर्निर्वी कंपनीची जारी, वर्गणी आणि भरलेली भांडवली रक्कम ४१,०३,४७,७८० समभागांची आहे. या निर्गमात कंपनीकडून रु. ४८०० दशलक्ष पर्यंतच्या नवीन समभागांची विक्री तसेच व्हर्टिकल होल्डिंग्ज टू प्रायव्हेट लिमिटेड (एक प्रवर्तक) आणि केआयए ईबीटी स्कीम ३ (कैटालिस्ट ट्रस्टीशिप लिमिटेड या विश्वस्तामार्फत, प्रवर्तक गटाचा सदस्य) यांच्याकडून रु. २०००० दशलक्ष किमतीच्या समभागांची विक्री समाविष्ट आहे. नवीन समभाग विक्रीतून मिळणाऱ्या निव्वळ उत्पन्नापैकी रु. ३६०० दशलक्ष रक्कम कंपनीने घेतलेल्या काही कर्जांची पूर्ण किंवा अंशतः परतफेड किंवा पूर्वफेड करण्यासाठी वापरण्याचे प्रस्तावित आहे.

२०१३ मध्ये स्थापन झालेल्या या कंपनीचा व्यवसाय मॉडेल ‘शेअर अँड रियूज’ अर्थात पूलिंगवर आधारित आहे. फ्रॉस्ट अँड सुलिव्हन अहवालानुसार, भारतातील पुरवठा साखळी व्यवस्थापन क्षेत्रात मागणीनुसार मालमत्ता पूलिंग सेवा पुरविणाऱ्या कंपन्यांमध्ये ही कंपनी सर्वात मोठी आहे (पूल केलेल्या मालमत्तांच्या संख्येनुसार). ३१ मार्च २०२६ अखेर कंपनीकडे १.४७ कोटी मालमत्ता असून देशभरात १०१०० हून अधिक ग्राहक संपर्क केंद्रांचे जाळे आहे. हा चक्रीय व्यवसाय मॉडेल ग्राहकांना मदत करतो, पर्यावरणीय प्रभाव कमी करतो तसेच पुरवठा साखळ्यांची वेळ, खर्च आणि सुरक्षितता वाढवतो.

कंपनीच्या सेवांमध्ये तंत्रज्ञान सक्षम पुरवठा साखळी उपाययोजनांचा समावेश आहे, ज्यामुळे विविध उद्योगांतील ग्राहकांच्या गरजा पूर्ण होतात. या उपाययोजनांमुळे उत्पादन ते विक्री बिंदूपर्यंतच्या मूल्य साखळीच्या विविध टप्प्यांना जोडण्यास मदत होते. फ्रॉस्ट अँड सुलिव्हन अहवालानुसार, पॅलेट्स आधुनिक पुरवठा साखळ्यांचा महत्त्वाचा भाग आहेत. पॅलेट पूलिंग प्रणालीत कंपन्या स्वतःचे पॅलेट खरेदी न करता सामायिक पूलमधून वापरतात. यामुळे खरेदी, देखभाल, मागोवा, गोदाम जागा, मनुष्यबळ आणि वेळेचा भार कमी होतो तसेच गुणवत्ता व उपलब्धता सुनिश्चित होते.

मोठ्या मालमत्ता आधार आणि देशव्यापी जाळ्यामुळे कंपनी जलद गतीने फिरणाऱ्या ग्राहकोपयोगी वस्तू, अन्न व पेय, तृतीय पक्ष लॉजिस्टिक्स, ई-कॉमर्स व क्विक कॉमर्स, ऑटोमोटिव्ह, औद्योगिक व इतर क्षेत्रांतील विविध ग्राहकांना सेवा देते. ३१ मार्च २०२६ अखेर कंपनीचे एक हजाराहून अधिक ग्राहक आहेत. बहुतांश टॉप दहा ग्राहक (आर्थिक वर्ष २०२६ मधील महसूल योगदानाच्या दृष्टीने) पाच वर्षांहून अधिक काळ कंपनीसोबत आहेत.

कंपनी आपल्या ग्राहकांना सेवा देण्यासाठी तंत्रज्ञानाचा वापर करते. स्वतः विकसित मायलीप व्यासपीठाद्वारे ग्राहकांना ऑर्डर माहिती, अलीकडील ऑर्डर, खराब मालमत्ता बदलण्याचे पर्याय, अहवाल तसेच मदत व समर्थनाचे पर्याय उपलब्ध होतात. कंपनीने एसएपी एस/४हाना आणि सेल्सफोर्स मॅनेजमेंट प्रणाली एकत्रित केल्या आहेत, ज्यामुळे ग्राहकांसोबत इलेक्ट्रॉनिक डेटा देवाणघेवाण शक्य होते.

आर्थिक वर्ष २०२६ मध्ये कंपनीचे एकूण उत्पन्न रु. ७४७३.५५ दशलक्ष होते, जे आर्थिक वर्ष २०२४ मधील रु. ३७१९.४४ दशलक्ष होते. कार्यरत महसूल रु. ३६४९.७१ दशलक्षवरून रु. ७२९५.३३ दशलक्ष झाला. व्याज, कर, घसारा व कर्ज फेडपूर्व नफा रु. २०९९.१८ दशलक्षवरून रु. ३७८८.२९ दशलक्ष झाला, ज्याचा मार्जिन ५०.६९ टक्के होता. करानंतरचा निव्वळ नफा रु. ३७१.७४ दशलक्षवरून रु. ६२३.४१ दशलक्ष झाला, ज्याचा मार्जिन ८.३४ टक्के होता.