ललिता ज्वेलरी मार्ट लिमिटेडचा आयपीओ १७ ऑगस्ट २०२६ रोजी उघडणार

ललिता ज्वेलरी मार्ट लिमिटेडचा आयपीओ १७ ऑगस्ट २०२६ रोजी उघडणार, दर्शनी मूल्य ₹५ प्रति इक्विटी शेअरसाठी किंमतपट्टा ₹१९० ते ₹२०१ निश्चित

 

·         दर्शनी मूल्य ₹५ प्रति इक्विटी शेअरसाठी किंमतपट्टा ₹१९० ते ₹२०१ निश्चित

·         ​बिड/ऑफर उघडण्याची तारीख - १७ ऑगस्ट २०२६ आणि बिड/ऑफर बंद होण्याची तारीख - १९ ऑगस्ट २०२६.

·         ​किमान बिड लॉट ७४ इक्विटी शेअर्सचा आहे आणि त्यानंतर ७४ इक्विटी शेअर्सच्या पटीत अर्ज करता येईल.

ललिता ज्वेलरी मार्ट लिमिटेडने (कंपनी) तिच्या प्रारंभिक सार्वजनिक भागविक्रीसाठी (आयपीओ) प्रति इक्विटी शेअर ₹५ दर्शनी मूल्यासाठी ₹१९० ते ₹२०१ प्रति शेअर असा किंमतपट्टा निश्चित केला आहे. ​कंपनीचा हा आयपीओ (IPO) वर्गणीसाठी (Subscription) १७ ऑगस्ट २०२६ रोजी उघडेल आणि १९ ऑगस्ट २०२६ रोजी बंद होईल. ​गुंतवणूकदार किमान ७४ इक्विटी शेअर्ससाठी आणि त्यानंतर ७४ इक्विटी शेअर्सच्या पटीत बोली (Bid) लावू शकतात. ​आजच्या तारखेनुसार आऊटस्टॅडिंग  (Outstanding) इक्विटी शेअर्सची संख्या ₹५ दर्शनी मूल्याचे ४९,९९,७७,१५६ शेअर्स इतकी आहे. ​या आयपीओमध्ये ₹१२००.०० कोटींपर्यंतचे नवीन शेअर्स (Fresh Issue) जारी केले जाणार आहेत, तर कंपनीचे प्रवर्तक (Promoter) एम. किरण कुमार जैन यांच्याकडून ₹५००.०० कोटींपर्यंतच्या शेअर्सची विक्री (Offer-for-sale) केली जाणार आहे.

​ही कंपनी 'ललिता' या ब्रँड नावाखाली कार्यरत असलेली एक ज्वेलरी रिटेलर आहे. दक्षिण भारतीय दागिन्यांच्या बाजारातील प्रादेशिक आवडीनिवडी लक्षात घेऊन डिझाइन केलेले सोने, चांदी आणि हिऱ्यांच्या विविध श्रेणीतील दागिने कंपनी उपलब्ध करून देते. ​कंपनी ३१ मार्च २०२६ पर्यंत तमिळनाडू, आंध्र प्रदेश, तेलंगणा, कर्नाटक आणि पुद्दुचेरी या केंद्रशासित प्रदेशातील ५१ शहरांमधील ६१ स्टोअर्सद्वारे प्रमाणित बीआयएस -हॉलमार्क असलेल्या दागिन्यांची सेवा ग्राहकांना देत आहे. ही स्टोअर्स एकूण ६,५०,८८१ चौरस फूट कार्यक्षेत्रात पसरलेली आहेत. स्वतःच्या उत्पादन क्षमतेमुळे ही कंपनी स्पर्धात्मक किमतीत सोन्याचे दागिने उपलब्ध करून देणारा एक आघाडीचा ब्रँड ठरली आहे.

​आर्थिक वर्ष २०२६ मध्ये कंपनीच्या ६१ पैकी ४५ स्टोअर्स ही Tier-II आणि Tier-III शहरांमध्ये आहेत, ज्यांचा तिच्या महसुलात ६०.२५% वाटा आहे. हे कंपनीचे उच्च-विकास क्षमता असलेल्या बाजारांवर असलेले धोरणात्मक लक्ष दर्शवते (स्रोत: क्रिसिल रिपोर्ट). स्पर्धात्मक किमतीत गुणवत्ता, कारागिरी आणि डिझाइनवर भर दिल्यामुळेच ही ब्रँड पोझिशन मिळवणे शक्य झाल्याचे कंपनीचे मानणे आहे.

​एकूण ६१ स्टोअर्सपैकी, आर्थिक वर्ष २०२६ मध्ये, कंपनीने ५१ स्टोअर्स चालवली ज्यांचे प्रत्येकी क्षेत्रफळ ५,००० चौरस फुटांपेक्षा जास्त होते. ही स्टोअर्स दक्षिण भारतातील प्रमुख दागिने वापरल्या जाणाऱ्या शहरांमध्ये धोरणात्मकमध्ये स्थित आहेत, ज्यापैकी ३९ स्टोअर्स Tier-II आणि Tier-III शहरांमध्ये आहेत. मोठ्या स्वरूपातील स्टोअर्स (१५,००० चौरस फुटांपेक्षा जास्त) आणि मध्यम स्वरूपातील स्टोअर्स (५,००० ते १५,००० चौरस फूट) उघडण्याच्या तिच्या धोरणामुळे सोने, चांदी आणि हिऱ्यांच्या दागिन्यांची मोठी श्रेणी प्रदर्शित करणे शक्य होते, जे कंपनीच्या वाढीस मदत करते.

​भारतातील प्रमुख संघटित ज्वेलर्समध्ये या कंपनीचा प्रति स्टोअर सर्वाधिक ऑपरेटिंग महसूल राहिला आहे; जो आर्थिक वर्ष २०२६, २०२५ आणि २०२४ मध्ये अनुक्रमे ₹४१०.२३ कोटी, ₹२८१.६२ कोटी आणि ₹३१६.७६ कोटी होता (स्रोत: क्रिसिल रिपोर्ट). 

​कंपनी स्टोअरचे स्थान, आकार आणि ग्राहकांच्या एकूण अनुभवासाठी एक विशिष्ट पद्धत (templatised approach) तयार करू शकली आहे, ज्यामुळे तिला विद्यमान तसेच नवीन बाजारपेठांमध्ये विस्तार करणे सोपे जाते. ​कंपनी 'धन वंदनम्' आणि 'फ्री-यो-फ्लेक्सी' सारख्या ज्वेलरी स्कीम्स देखील देते, ज्यामुळे ग्राहक वारंवार आकर्षित होतात. या स्कीम्स ग्राहकांना अतिरिक्त मूल्य आणि लवचिकता प्रदान करण्यासाठी डिझाइन केल्या गेल्या आहेत. ​कंपनीचे तमिळनाडूमध्ये थिरुमुडीवक्कम, चेन्नई (कंपनीद्वारे संचालित) आणि मलमलाई, कांचीपुरम (कंपनीची पूर्ण मालकीची उपकंपनी - असिता ज्वेलरी मॅन्युफॅक्चरिंग प्रायव्हेट लिमिटेड द्वारे संचालित) येथे दोन उत्पादन युनिट्स आहेत, ज्यांचे क्षेत्रफळ अनुक्रमे सुमारे ४३,८६१.९६ चौरस फूट आणि २०,००० चौरस फूट आहे. ​कंपनीने २ डिसेंबर २०२४ पासून थिरुमुडीवक्कम, चेन्नई येथील उत्पादन युनिटचे कामकाज सुरू केले आहे.