स्काईवेझ एअर सर्व्हिसेसचा आयपीओ २४ ऑगस्ट २०२६ पासून खुला

स्काईवेझ एअर सर्व्हिसेसचा आयपीओ २४ ऑगस्ट २०२६ पासून खुला

स्काईवेझ एअर सर्व्हिसेस लिमिटेडचा प्रारंभिक सार्वजनिक भागविक्री २४ ऑगस्ट २०२६ रोजी खुला होणार आहे. कंपनीने प्रत्येकी १० रुपये दर्शनी मूल्य असलेल्या प्रति इक्विटी शेअरसाठी १३१ ते १३८ रुपये किंमतपट्टा निश्चित केला आहे. ही भागविक्री २४ ऑगस्ट २०२६ रोजी सबस्क्रिप्शनसाठी सुरू होईल आणि २७ ऑगस्ट २०२६ रोजी बंद होईल. गुंतवणूकदार किमान १०० इक्विटी शेअर्ससाठी आणि त्यानंतर १०० इक्विटी शेअर्सच्या पटीत बोली लावू शकतात.

आजच्या तारखेनुसार कंपनीचे एकूण ११,६४,४५,२४४ आऊटस्टॅडिंग इक्विटी शेअर्स आहेत, ज्यांचे दर्शनी मूल्य प्रत्येकी १० रुपये आहे. या प्रारंभिक सार्वजनिक भागविक्रीमध्ये २,८८,९८,३०० इक्विटी शेअर्सचा नवीन इश्यू आणि प्रवर्तक यशपाल शर्मा यांच्याकडून ७१,२०,६९० इक्विटी शेअर्स तसेच तरुण शर्मा यांच्याकडून २४,६०,००० इक्विटी शेअर्स अशा एकूण १,३३,३३,३०० इक्विटी शेअर्सची विक्री ऑफर समाविष्ट आहे. इतर विक्री करणारे भागधारक म्हणून हिमांशू छाब्रा १८,६६,००० इक्विटी शेअर्स आणि रोहित सहगल १८,८६,६१० इक्विटी शेअर्स विकतील.

नवीन भागविक्रीतून मिळणाऱ्या रु. २१६.७८ कोटींपैकी काही रकमेचा वापर कंपनी आणि तिची उपकंपनी फॉरीन कंटेनर लाइन प्रायव्हेट लिमिटेड यांनी घेतलेल्या कर्जाची पूर्ण किंवा अंशतः परतफेड किंवा पूर्व-परतफेड करण्यासाठी केला जाईल. रु. १३०.०० कोटी कंपनीच्या वाढत्या खेळत्या भांडवलाच्या गरजा पूर्ण करण्यासाठी वापरले जातील तर उर्वरित रक्कम सामान्य कॉर्पोरेट उद्देशांसाठी वापरली जाईल.

१९८४ मध्ये स्थापन झालेली ही कंपनी भारतातील एअर फ्रेट फॉरवर्डिंग आणि लॉजिस्टिक क्षेत्रातील दीर्घकालीन आघाडीची कंपनी आहे. वर्ल्ड एसीडीच्या माहितीनुसार गेल्या चार कॅलेंडर वर्षांत म्हणजे २०२५, २०२४, २०२३ आणि २०२२ मध्ये एअर वेबिल जनरेशनच्या बाबतीत कंपनी सातत्याने पहिल्या क्रमांकाची एअर फ्रेट फॉरवर्डर ठरली आहे. याचा अर्थ ही कंपनी भारतातून जगभरात जाणाऱ्या एअर कार्गोच्या सर्वाधिक कन्साइन्मेंट्सची हाताळणी करते.

कंपनी देशांतर्गत आणि आंतरराष्ट्रीय बाजारपेठेतील ग्राहकांच्या विविध गरजा पूर्ण करण्यासाठी एअर फ्रेट फॉरवर्डिंग, ओशन फ्रेट फॉरवर्डिंग, ट्रकिंग, वेअरहाउसिंग, कस्टम ब्रोकिंग, तंत्रज्ञान-आधारित एक्सप्रेस कार्गो आणि पार्सल डिलिव्हरी तसेच विविध मूल्यवर्धित सेवा पुरवण्यात सक्रियपणे कार्यरत आहे. व्यवसायाच्या सततच्या विकासाचा भाग म्हणून कंपनीने स्वतःची अनेक तांत्रिक उत्पादने सादर केली आहेत आणि ती आपल्या कामकाजात समाविष्ट केली आहेत. ही प्लॅटफॉर्म्स फ्रेट बुकिंग, शिपमेंट ट्रॅकिंग, वर्कफ्लो ऑटोमेशन आणि ऑपरेशनल रिपोर्टिंगला पाठिंबा देऊन लॉजिस्टिक व्हॅल्यू चेनमधील कार्यक्षमता सुधारणे आणि ग्राहकांचे समाधान वाढवणे या उद्देशाने काम करतात.

चार दशकांहून अधिक काळ या क्षेत्रातील अनुभवासह कंपनीने एक सुसज्ज लॉजिस्टिक पायाभूत सुविधा निर्माण केली आहे जी सप्लाय चेनमध्ये सुरुवातीपासून शेवटपर्यंत संपूर्ण पाठिंबा देते. कंपनीच्या मूल्यवर्धित सेवांमध्ये लॉजिस्टिक नियोजन आणि व्यवस्थापन, लॉजिस्टिक सोल्यूशन्स, कार्गो हाताळणी ऑपरेशन्स, वेअरहाउसिंग सोल्यूशन्स, कागदपत्रे आणि कस्टम क्लिअरन्स सेवा तसेच जागतिक कनेक्टिव्हिटी आणि ऑपरेशनल पोहोच यांचा समावेश आहे. कंपनीचे सौदी कार्गो, एअर इंडिया कार्गो, एमिरेट्स, लुफ्तांसा आणि कतार एअरवेज यासह अनेक आघाडीच्या जागतिक एअरलाइन्ससोबत कामगिरीवर आधारित करार आहेत.

वित्त वर्ष २०२४ मधील रु. १,२८९.१ कोटींच्या तुलनेत वित्त वर्ष २०२६ मध्ये कंपनीचा महसूल रु. २,८१२.९ कोटी झाला आहे. तसेच वित्त वर्ष २०२४ मधील रु. ३४.४९ कोटींच्या निव्वळ नफ्याच्या तुलनेत वित्त वर्ष २०२६ मध्ये कंपनीचा निव्वळ नफा रु. ६३.५ कोटी झाला आहे.

होलाणी कन्सलटंट्स प्रायव्हेट लिमिटेड, शॅनन ॲडव्हायझर्स प्रायव्हेट लिमिटेड आणि दोलत फिनसर्व्ह प्रायव्हेट लिमिटेड हे या इश्यूचे बुक-रनिंग लीड मॅनेजर्स आहेत तर बिगशेअर सर्व्हिसेस प्रायव्हेट लिमिटेड ही या ऑफरची रजिस्ट्रार आहे. हे इक्विटी शेअर्स नॅशनल स्टॉक एक्स्चेंज आणि बॉम्बे स्टॉक एक्स्चेंजवर सूचीबद्ध करण्याचे प्रस्तावित आहे.