रेडक्लिफ लॅब्सने मेगाव्हिजन डायग्नोस्टिक्सच्या अधिग्रहणाद्वारे एकात्मिक डायग्नोस्टिक्स धोरणाला दिली नवी गती

 रेडक्लिफ लॅब्सने मेगाव्हिजन डायग्नोस्टिक्सच्या अधिग्रहणाद्वारे एकात्मिक डायग्नोस्टिक्स धोरणाला दिली नवी गती

* पुण्यातील दोन अत्याधुनिक एमआरआय केंद्रांसह डायग्नोस्टिक सेवांचा विस्तार

* पश्चिम भारतातील पहिले धोरणात्मक गुंतवणूक, एकात्मिक डायग्नोस्टिक्स क्षमता अधिक बळकट करण्याच्या दिशेने महत्त्वपूर्ण पाऊल

भारतातील सर्वात वेगाने विकसित होत असलेल्या ओम्नीचॅनल डायग्नोस्टिक सेवा प्रदात्यांपैकी एक असलेल्या रेडक्लिफ लॅब्सने पुणेस्थित मेगाव्हिजन डायग्नोस्टिक्स सेंटरच्या अधिग्रहणाची घोषणा केली आहे. हे अधिग्रहण रेडक्लिफ लॅब्सच्या एकात्मिक डायग्नोस्टिक्स प्लॅटफॉर्म उभारण्याच्या दीर्घकालीन धोरणातील एक महत्त्वाचा टप्पा असून, प्रगत इमेजिंग आणि पॅथॉलॉजी सेवा एका विश्वासार्ह व्यासपीठावर एकत्र आणत कंपनीच्या एकात्मिक डायग्नोस्टिक्स क्षमतांना अधिक बळकटी देणार आहे.

या अधिग्रहणामुळे पुण्यातील पिंपरी-चिंचवड परिसरातील मेगाव्हिजन डायग्नोस्टिक्सची दोन अत्याधुनिक एमआरआय केंद्रे रेडक्लिफच्या विद्यमान पॅथॉलॉजी नेटवर्कशी जोडली जातील, ज्यामुळे रुग्णांना अधिक व्यापक डायग्नोस्टिक सेवा एकाच ठिकाणी उपलब्ध होतील. गेल्या दोन दशकांहून अधिक काळापासून सेवा देत असलेल्या मेगाव्हिजनने क्लिनिकल उत्कृष्टता आणि दर्जेदार इमेजिंग सेवांमुळे रुग्ण तसेच वैद्यकीय तज्ज्ञांचा विश्वास संपादन केला आहे. हे अधिग्रहण मेगाव्हिजनचा मजबूत स्थानिक वारसा आणि रेडक्लिफ लॅब्सचे तंत्रज्ञान-सक्षम डायग्नोस्टिक नेटवर्क यांना एकत्र आणत पश्चिम भारतात एकात्मिक डायग्नोस्टिक सेवांच्या विस्तारासाठी अधिक मजबूत पाया घालेल. तसेच, रेडक्लिफ लॅब्स मेगाव्हिजनच्या संपूर्ण कर्मचाऱ्यांना कायम ठेवणार असून, त्यामुळे रुग्णसेवेत सातत्य राखले जाईल आणि अधिक सुलभ व सर्वसमावेशक डायग्नोस्टिक अनुभव उपलब्ध होईल.

पश्चिम भारतातील आपल्या मजबूत पॅथॉलॉजी नेटवर्कच्या बळावर रेडक्लिफ लॅब्स आता अधिक व्यापक डायग्नोस्टिक सेवा देण्यासाठी आपल्या एकात्मिक डायग्नोस्टिक्स क्षमतांचा विस्तार करत आहे. मेगाव्हिजन डायग्नोस्टिक्सचे हे अधिग्रहण प्रगत इमेजिंग आणि पॅथॉलॉजी सेवा एकत्र आणणाऱ्या कनेक्टेड डायग्नोस्टिक्स इकोसिस्टमची पायाभरणी करते. तसेच, पश्चिम भारतात धोरणात्मक भागीदारी आणि अधिग्रहणांच्या माध्यमातून आपली उपस्थिती अधिक मजबूत करण्याच्या कंपनीच्या दीर्घकालीन विस्तार धोरणाची ही सुरुवात आहे.

हे अधिग्रहण रेडक्लिफ लॅब्सच्या देशातील महत्त्वाच्या बाजारपेठांमध्ये निवडक भागीदारी आणि अधिग्रहणांच्या माध्यमातून डायग्नोस्टिक्स क्षमता मजबूत करण्याच्या धोरणालाही पुढे नेणारे आहे. गेल्या वर्षभरात कंपनीने राजस्थानमधील प्राइम सोनोग्राफी अँड डायग्नोस्टिक सेंटर (कोटा) आणि सर्वोदय डायग्नोस्टिक्स (अजमेर) यांचे अधिग्रहण केले असून, ही केंद्रे आता रेडक्लिफ मेडिसेंटर इमेजिंग अँड लॅब्स या नावाने कार्यरत आहेत. ही अधिग्रहणे प्रादेशिक तज्ज्ञता आणि राष्ट्रीय स्तरावरील डायग्नोस्टिक नेटवर्क यांची सांगड घालण्याच्या कंपनीच्या दीर्घकालीन धोरणाचे प्रतीक आहेत.

दोन दशकांहून अधिक काळापूर्वी स्थापन झालेल्या मेगाव्हिजन डायग्नोस्टिक्सने डॉ. केदार प्रभाकर भाटे यांच्या नेतृत्वाखाली डायग्नोस्टिक इमेजिंग क्षेत्रात उल्लेखनीय विश्वास आणि प्रतिष्ठा मिळवली आहे. अधिग्रहणानंतरही डॉ. भाटे मेगाव्हिजन रेडक्लिफ लॅब्सचे नेतृत्व करत राहतील आणि रेडक्लिफच्या क्लिनिकल बोर्डासोबत मिळून पुणे आणि आसपासच्या परिसरात एकात्मिक डायग्नोस्टिक सेवांचा विस्तार करण्यासाठी काम करतील.

रेडक्लिफ लॅब्सचे चेअरमन आणि संस्थापक धीरज जैन म्हणाले, "आरोग्यसेवा क्षेत्र वेगाने एकात्मिक सेवांकडे वाटचाल करत आहे, जिथे अधिक अचूक वैद्यकीय निर्णय आणि उत्तम आरोग्य परिणामांसाठी डायग्नोस्टिक्सची भूमिका अधिक महत्त्वाची ठरत आहे. क्लिनिकल उत्कृष्टता, तंत्रज्ञान आणि प्रादेशिक तज्ज्ञता यांचा संगम घडवून भारतातील सर्वाधिक विश्वासार्ह एकात्मिक डायग्नोस्टिक्स नेटवर्क उभारण्याचे आमचे दीर्घकालीन ध्येय आहे. प्रत्येक धोरणात्मक भागीदारीद्वारे देशभरात उच्च दर्जाच्या आणि सर्वसमावेशक डायग्नोस्टिक सेवा अधिक सुलभ करण्यासाठी आम्ही कटिबद्ध आहोत."

रेडक्लिफ लॅब्सचे संस्थापक आणि मुख्य कार्यकारी अधिकारी आदित्य कंडोई म्हणाले, "पुणे हे भारतातील सर्वात वेगाने विकसित होणाऱ्या हेल्थकेअर बाजारपेठांपैकी एक असून, गुणवत्तापूर्ण डायग्नोस्टिक सेवांबाबत येथील नागरिकांमध्ये जागरूकता सातत्याने वाढत आहे. या शहरातील आमची उपस्थिती अधिक मजबूत करताना मेगाव्हिजनच्या रेडिओलॉजीतील तज्ज्ञतेला रेडक्लिफच्या पॅथॉलॉजी नेटवर्कशी जोडल्याने रुग्णांना अधिक सुलभ आणि अखंड डायग्नोस्टिक अनुभव मिळेल. आमचा विश्वास आहे की डायग्नोस्टिक्सचे भविष्य एकात्मिक आरोग्यसेवेमध्ये आहे, जिथे पॅथॉलॉजी आणि रेडिओलॉजी एकत्र येऊन जलद निदान, अधिक प्रभावी वैद्यकीय निर्णय आणि रुग्णांसाठी अधिक सोपी आरोग्यसेवा सुनिश्चित करतील."

मेगाव्हिजन डायग्नोस्टिक्सचे संस्थापक आणि संचालक डॉ. केदार प्रभाकर भाटे म्हणाले, "मेगाव्हिजन डायग्नोस्टिक्सचा प्रवास हा विश्वास, नातेसंबंध आणि गुणवत्तापूर्ण आरोग्यसेवेच्या अखंड वचनबद्धतेवर उभा आहे. रेडक्लिफ लॅब्स परिवाराचा भाग होणे हा आमच्या प्रवासातील एक महत्त्वाचा टप्पा आहे. रुग्णकेंद्रित सेवा आणि क्लिनिकल उत्कृष्टतेची समान मूल्ये आम्हाला अधिकाधिक लोकांपर्यंत पोहोचण्यास सक्षम करतील, याचा मला पूर्ण विश्वास आहे. त्याचबरोबर गेल्या दोन दशकांत आम्ही जपलेला विश्वास आणि गुणवत्ता कायम राखत पुढील वाटचाल करू."