पॉवर फायनान्स कॉर्पोरेशनने फायनान्शिअल वर्ष २०२६ मध्ये नोंदवले सर्वोच्च नफा

 पॉवर फायनान्स कॉर्पोरेशनने फायनान्शिअल वर्ष २०२६ मध्ये नोंदवले सर्वोच्च नफा

पॉवर फायनान्स कॉर्पोरेशन (पीएफसी) समूहाने आर्थिक वर्ष २०२६ मध्ये उत्कृष्ट कामगिरी नोंदवली आहे. समूहाचा एकत्रित नफा करानंतर (पीएटी) दहा टक्क्यांनी वाढून ३०५१४ कोटी रुपयांवरून ३३६२५ कोटी रुपये झाला आहे. पीएफसी समूह देशातील सर्वात मोठा एनबीएफसी समूह म्हणून कायम राहिला असून, त्याची एकूण बॅलन्स शीट १२ लाख ४० हजार कोटी रुपयांपेक्षा अधिक आहे.

समूहाची एकूण निव्वळ संपत्ती (नॉन-कंट्रोलिंग इंटरेस्टसह) १२ टक्क्यांनी वाढून १५५१५६ कोटी रुपयांवरून १७३४४१ कोटी रुपये झाली आहे. सक्रिय पुनर्वसन प्रयत्नांमुळे एकत्रित सकल नॉन-परफॉर्मिंग अॅसेट्स (ग्रॉस एनपीए) १.६४ टक्क्यांवरून ०.६६ टक्क्यांवर आले आहेत. तर निव्वळ एनपीए ०.३८ टक्क्यांवरून ०.१३ टक्क्यांवर घसरला असून, हा आतापर्यंतचा सर्वात कमी स्तर आहे.

स्टँडअलोन कामगिरीतही विक्रमी नफा पीएफसी कंपनीने स्वतंत्र स्तरावर सर्वाधिक वार्षिक नफा करानंतर नोंदवला आहे. तो १७३५२ कोटी रुपयांवरून १६ टक्क्यांनी वाढून २००५१ कोटी रुपये झाला आहे. यासह पीएफसी भारतातील सर्वाधिक नफा कमावणारी एनबीएफसी म्हणून पुढे राहिली आहे. कंपनीच्या संचालक मंडळाने अंतिम लाभांश ३.९५ रुपये प्रति शेअर प्रस्तावित केला आहे. यासह आर्थिक वर्ष २०२६ साठी एकूण लाभांश १८.५५ रुपये प्रति शेअर झाला आहे.

पीएफसीची निव्वळ संपत्ती १ लाख कोटी रुपयांच्या मैलाचा दगड ओलांडून १०२५३२ कोटी रुपये झाली आहे, जी गेल्या वर्षीच्या तुलनेत १३ टक्क्यांनी जास्त आहे. आर्थिक वर्ष २०२६ मध्ये कंपनीने १६५४१४ कोटी रुपयांचे कर्ज वाटप केले असून, ३१ मार्च २०२६ पर्यंत कर्ज पुस्तिका ५८०११५ कोटी रुपये एवढी झाली आहे.

भांडवली पर्याप्तता मजबूत पीएफसीने भांडवली पर्याप्तता प्रमाण (सीआरएआर) २३.४४ टक्के आणि टियर-१ भांडवल २१.९३ टक्के राखले आहे, जी नियामक आवश्यकतेपेक्षा बरेच जास्त आहे. टीआरएन एनर्जी आणि सिन्नर थर्मल या प्रकल्पांच्या यशस्वी पुनर्वसनामुळे कंपनीची मालमत्ता गुणवत्ता आणखी मजबूत झाली आहे. यामुळे निव्वळ एनपीए प्रमाण ०.३९ टक्क्यांवरून ०.१५ टक्क्यांवर आले आहे. सकल एनपीए ८५ बेसिस पॉइंट्सने कमी होऊन १.०९ टक्क्यांवर आला आहे.

व्यवस्थापनाचे मत पीएफसीच्या अध्यक्ष व व्यवस्थापकीय संचालक परमिंदर चोप्रा यांनी सांगितले की, “आर्थिक वर्ष २०२६ ही मजबूत कामगिरी, महत्त्वाच्या मैलाचे दगड आणि जागतिक आव्हानांचा वर्ष होता. पीएफसी आणि रेक यांच्या प्रस्तावित विलीनीकरणाने पॉवर क्षेत्रासाठी एक केंद्रित संस्था तयार होणार आहे. यामुळे मोठ्या प्रमाणात वाढ, कार्यक्षमता आणि भांडवली समन्वय साधला जाईल.”

त्यांनी पुढे म्हटले की, शेअरधारकांसोबत यश वाटून घेणे ही आमची मुख्य रणनीती आहे. १ लाख कोटी रुपयांच्या मजबूत भांडवली आधारावर कंपनी ऊर्जा संक्रमण आणि नवीन तंत्रज्ञानाच्या गरजा पूर्ण करण्यासाठी वचनबद्ध आहे.

डीएफ यांनीही कंपनीच्या लवचिक आणि विक्रमी कामगिरीचे स्वागत केले. प्रथमच नफा २० हजार कोटी रुपयांच्या पुढे गेला असल्याचे त्यांनी नमूद केले.