अॅडविट ज्वेल्स लिमिटेडचा आयपीओ २३ जून २०२६ रोजी उघडणार
अॅडविट ज्वेल्स लिमिटेडचा आयपीओ २३ जून २०२६ रोजी उघडणार
%20Mr.%20Nitin%20Gilara,%20CMD%20and%20Mr.%20Prateek%20Gilara,%20Whole-Time%20Director%20at%20the%20IPO%20launch%20of%20Advit%20Jewels%20Ltd.%20in%20Mumbai..JPG)
ज्वेलरी क्षेत्रातील प्रमुख कंपनी अॅडविट ज्वेल्स लिमिटेड ने आपल्या प्राथमिक सार्वजनिक ऑफरिंग (IPO) साठी किंमत बँड निश्चित केला आहे. कंपनी प्रति इक्विटी शेअर रु. १३० ते रु. १३८ या किंमत बँडमध्ये शेअर्स विक्रीस आणणार आहे. (फेस व्हॅल्यू रु. १० प्रति शेअर). बिड/ऑफर उघडण्याची तारीख: मंगळवार, २३ जून २०२६ तर बिड/ऑफर बंद होण्याची तारीख: गुरुवार, २५ जून २०२६ आहे. किमान बिड लॉट १०० इक्विटी शेअर्स आणि त्यानंतर १०० शेअर्सच्या गुणाकाराने असेल. कंपनी फ्रेश इश्यूद्वारे १,१९,६८,००० इक्विटी शेअर्स विक्रीस आणणार आहे. यातून मिळणारे सुमारे रु. ६५ कोटी खर्चिण्यात येतील. यातून कंपनीच्या वाढत्या वर्किंग कॅपिटल गरजा पूर्ण करण्यासाठी, काही विद्यमान कर्जांचा पूर्ण किंवा आंशिक परतफेड/प्री-पेमेंट तसेच जनरल कॉर्पोरेट उद्देशांसाठी निधीचा वापर होईल.
अॅडविट ज्वेल्स ही जयपूर, राजस्थान येथील रत्न आणि ज्वेलरी हबमध्ये स्थित आहे. कंपनी रामभाजो या ब्रँड नावाने पारंपरिक आणि समकालीन हाताने बनवलेल्या बारीक ज्वेलरीचे उत्पादन आणि विक्री करते. विशेषतः कुंदन, पोल्की, डायमंड आणि स्टडेड ज्वेलरीमध्ये कंपनीची मजबूत ओळख आहे.
कंपनी पारंपरिक कला आणि आधुनिक डिझाईन यांचा सुंदर मिलाफ करते. प्रत्येक डिझाईन युनिक असते आणि पुन्हा केले जात नाही. १४ कॅरेट आणि १८ कॅरेट सोन्यामध्ये ज्वेलरी तयार केली जाते. कंपनी मुख्यतः B2B मॉडेलवर काम करते (डीलर्स, शोरूम्स आणि ज्वेलर्सना पुरवठा), तसेच B2C साठी कस्टमाइज्ड, मेड-टू-ऑर्डर ज्वेलरी देखील पुरवते.
कंपनीची उत्पादन युनिट जयपूरमध्ये ६,४५० चौरस फूट क्षेत्रफळात आहे. येथे ३डी प्रिंटर, कास्टिंग युनिट, पॉलिशिंग मशीन इत्यादी आधुनिक सुविधा उपलब्ध आहेत. संपूर्ण उत्पादन प्रक्रिया (सोने वितळवणे, शीट/चेन बनवणे, स्टोन सेटिंग, पॉलिशिंग, क्वालिटी चेक) एकाच छताखाली होते.
Comments
Post a Comment