मिरे अॅसेट एमएफकडून बीएसई इन्फॉर्मेशन टेक्नॉलॉजी इंडेक्स फंड लाँच

मिरे अॅसेट एमएफकडून बीएसई इन्फॉर्मेशन टेक्नॉलॉजी इंडेक्स फंड लाँच, गुंतवणूकदारांना भारतातील आयटी क्षेत्रामध्ये व्यापक प्रवेश

मिरे अॅसेट इन्वेस्टमेंट मॅनेजर्स (इंडिया) प्रायव्हेट लिमिटेडने मिरे अॅसेट बीएसई इन्फॉर्मेशन टेक्नॉलॉजी इंडेक्स फंड (बीएसई इन्फॉर्मेशन टेक्नॉलॉजी टोटल रिटर्न इंडेक्सचे अनुकरण/ट्रॅकिंग करणारी एक ओपन-एंडेड योजना) लाँच करण्याची घोषणा केली आहे. हा फंड गुंतवणूकदारांना एकाच इंडेक्स-ट्रॅकिंग उत्पादनाद्वारे आयटी सेवा, सॉफ्टवेअर उत्पादने, आयटी-सक्षम सेवा आणि हार्डवेअर कंपन्यांपर्यंत भारतातील तंत्रज्ञान क्षेत्राचा पॅसिव्ह आणि नियमांवर आधारित प्रवेश देतो. या फंडासाठी न्यू फंड ऑफर (एनएफओ) ८ सप्टेंबर २०२६ रोजी खुला होईल आणि २२ सप्टेंबर २०२६ रोजी बंद होईल; तसेच ही योजना २८ सप्टेंबर २०२६ रोजी सतत विक्री आणि पुनर्खरेदीसाठी पुन्हा सुरु होईल.

"डॉट-कॉम क्रॅशपासून ते कोविड-१९ पर्यंत, भारतातील आयटी क्षेत्राने अनेक तंत्रज्ञान चक्रांची परीक्षा दिली आहे आणि प्रत्येक वेळी हा उद्योग परिस्थितीशी जुळवून घेत अधिक दृढ होऊन समोर आला आहे. आमचा विश्वास आहे की, कृत्रिम बुद्धिमत्ता (एआय) हे भारतातील आयटी कंपन्या प्रदान करत असलेल्या मूलभूत मूल्यांमधील व्यत्यय नसून एक असाच बदल दर्शवते," असे मिरे अॅसेट इन्वेस्टमेंट मॅनेजर्स (इंडिया) प्रायव्हेट लिमिटेडचे ईटीएफ प्रॉडक्ट्स हेड आणि फंड मॅनेजर सिद्धार्थ श्रीवास्तव म्हणाले. “हे क्षेत्र एका महत्त्वाच्या टप्प्यावर आले असताना, मिरे अॅसेट बीएसई इन्फॉर्मेशन टेक्नॉलॉजी इंडेक्स फंडचे उद्दिष्ट गुंतवणूकदारांना एआय-संबंधित सेवांमधील प्रगतीच्या नेतृत्वाखालील उद्योगातील संभाव्य वाढीच्या पुढील टप्प्यात सहभागी होण्याची संधी देणे हे आहे.”

बीएसई इन्फॉर्मेशन टेक्नॉलॉजी इंडेक्स हा बीएसई ऑलकॅप विश्वातून तयार केला गेला आहे आणि ७८ कंपन्यांमधील संधींचा समावेश करतो, ज्यामुळे सॉफ्टवेअर व कन्सल्टिंग, आयटी-सक्षम सेवा, सॉफ्टवेअर उत्पादने, संगणक हार्डवेअर आणि उपकरणे या क्षेत्रांमध्ये निफ्टी आयटी इंडेक्सच्या तुलनेत अधिक विविधतापूर्ण पोर्टफोलिओ मिळतो.

हा इंडेक्स अधिक संतुलित मार्केट-कॅप मिश्रण देखील प्रदान करतो, ज्यामध्ये लार्ज-कॅप्सचे प्रमाण अंदाजे ७२ टक्के आहे आणि मिड व स्मॉल-कॅप्स एकत्रितपणे उर्वरित २८ टक्के भाग व्यापतात. या तुलनेत निफ्टी आयटी इंडेक्सचे ८०:२० चे प्रमाण प्रामुख्याने लार्ज-कॅप्सकडे झुकलेले आहे. हे गुंतवणूकदारांना प्रस्थापित आयटी प्रमुखांसोबत नव्याने उदयास येणाऱ्या आणि वेगाने वाढणाऱ्या तंत्रज्ञान कंपन्यांमध्ये सहभागी होण्याची संधी देते.

या इंडेक्स फंडामध्ये किमान गुंतवणुकीची रक्कम ५,००० रुपये आणि त्यानंतर १ रुपयाच्या पटीत आहे. या फंडाचे व्यवस्थापन श्री. रितेश पटेल आणि श्री. अक्षय उदेशी यांच्याद्वारे केले जाईल.